Mat 5 | Ndebele | STEP | Kwathi ebona amaxuku wenyukela entabeni . Esehlezi phansi, abafundi bakhe beza kuye ;

3 Babusisiwe ^d abayanga emoyeni ^e; ngoba umbuso wamazulu ungowabo ^f. 4 Babusisiwe abalilayo ^g; ngoba bona bazaduduzwa. 5 Babusisiwe abamnene; ngoba bona bazakudla ilifa lomhlaba ^h. 6 Babusisiwe abalambela labomela ukulunga; ngoba bona bazasuthiswa ⁱ. 7 Babusisiwe abalesihawu; ngoba bona bazahawukelwa ^j. 8 Babusisiwe abamhlophe enhliziyweni ^k; ngoba bona bazabona uNkulunkulu ^l. 9 Babusisiwe abalamulayo; ngoba bona bazathiwa ngabantwana bakaNkulunkulu. 10 Babusisiwe abazingelwayo ngenxa yokulunga; ngoba umbuso wamazulu ungowabo ^m. 11 Lina libusisiwe, nxa belithuka belizingela, bekhuluma okubi konke bemelana lani beqamba amanga, ngenxa yami; 12 thokozani lithabe kakhulu, ngoba umvuzo wenu mkhulu emazulwini ⁿ; ngoba ngokunjalo babazingela abaprofethi abalandulelayo ^o.

Itshwayi lokukhanya emhlabeni

13 Lina lilitshwayi lomhlaba; kodwa uba itshwayi seliduma lizatshwaywa ngani? Kalisasizi lutho, ngaphandle kokulahlwa phandle beselinyathelwa ngabantu ^p. 14 Lina liyikukhanya komhlaba ^q; umuzi omiswe phezu kwentaba ungesitheke; 15 njalo kabalumathisi isibane ^r basibeke ngaphansi kwesitsha, kodwa phezu kwesiqobane sesibane, besesibakhanyisela bonke abasendlini. 16 Ngokunjalo kakukhanye ukukhanya kwenu phambi kwabantu, ukuze babone imisebenzi yenu emihle ^s, badumise uYihlo osemazulwini ^t.

Umlayo omdala lomlayo kaJesu Kristu

17 Lingacabangi ukuthi ngize ukuchitha umlayo kumbe abaprofethi ^u; angizanga ukuchitha kodwa ukugcwalisa. 18 Ngoba ngiqinisile ngithi kini: Kuze kudlule izulu lomhlaba, kakusoze kudlule ibadlana libe linye kumbe ichatshana libe linye emlayweni kuze kwenzeke konke ^v. 19 Ngakho owephula owodwa kulimilayo emincinyane, afundise abantu ngokunjalo, uzathiwa ngomncinyane embusweni wamazulu; kodwa oyenzayo ayifundise, lowo uzathiwa mkhulu embusweni wamazulu ^w. 20 Ngoba ngithi kini: Ngaphandle kokuthi ukulunga kwenu kwedlule okwababhali lokwabaFarisi ^x, kalisoze lingene embusweni wamazulu.

21 Lizwile ukuthi kwathiwa kwabasendulo: Ungabulali; laloba ngubani obulalayo, uzakuba lecala lokugwetshwa ^y; 22 kodwa mina ngithi kini: Wonke othukuthelela umfowabo kungelasizatho uzakuba lecala lokugwetshwa ^z; lotshoyo kumfowabo ukuthi: Siphukuphukundini! uzakuba lecala emphakathini ^aa; lotshoyo ukuthi: Sithuthandini ^ab! uzakuba lecala lokusiwa esihogweni somlilo ^ac. 23 Ngakho uba uletha umnikelo wakho elathini ^ad, ubusukhumbula ulapho ukuthi umfowenu ulolutho olumelana lawe, 24 tshiya lapho umnikelo wakho phambi kwelathi, uhambe, uqale ubuyisane lomfowenu, ubusuzonikela umnikelo wakho. 25 Phangisa uzwane laye omangalelane lawe ^ae usesendleleni laye ^af, hlezi omangalelane lawe akunikele kumahluleli, futhi umahluleli akunikele epholiseni ^ag, ubusuphoselwa entolongweni. 26 Ngiqinisile ngithi kuwe: Kawusoze uphume khona, uze ubhadale indibilitshi yokucina.

27 Lizwile ukuthi kwathiwa kwabasendulo ^ah: Ungafebi ^ai. 28 Kodwa mina ngithi kini: Wonke okhangela owesifazana ukumkhanuka usefebile laye enhliziyweni yakhe ^aj. 29 Njalo uba ilihlo lakho lokunene likukhubekisa ^ak, likhuphe ulilahlele khatshana lawe ^al; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni ^am. 30 Njalo uba isandla sakho sokunene sikukhubekisa, siqume usilahlele khatshana lawe ^an; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni ^ao. 31 Kwathiwa-ke: Loba ngubani owala umkakhe, kumele amnike incwadi yesehlukaniso ^ap; 32 kodwa mina ngithi kini: Loba ngubani owala umkakhe, ngaphandle kodaba lokufeba, umenza afebe, njalo loba ngubani omthathayo owaliweyo uyafeba.

33 Lizwile futhi ukuthi kwathiwa kwabasendulo ^aq: Ungafungi amanga ^ar, kodwa gcwalisa izifungo zakho eNkosini ^as. 34 Kodwa mina ngithi kini: Lingafungi lakanye ^at; loba ngezulu, ngoba liyisihlalo sobukhosi sikaNkulunkulu ^au; 35 loba ngomhlaba, ngoba uyisenabelo senyawo zakhe ^av; loba ngeJerusalema, ngoba ingumuzi weNkosi enkulu ^aw; 36 njalo ungafungi ngekhanda lakho, ngoba ungelwenze unwele lalunye lube mhlophe kumbe lube mnyama. 37 Kodwa ilizwi lenu kalibe ngelokuthi: Yebo, yebo; hatshi, hatshi. Okudlula lokhu-ke kuvela komubi ^ax.

Ukuthanda izitha

38 Lizwile ukuthi kwathiwa: Ilihlo ngelihlo, lezinyo ngezinyo ^ay; 39 kodwa mina ngithi kini ^az: Lingamelani lobubi ^ba; kodwa loba ngubani ^bb okuwakala esihlathini sokunene, mphendulele lesinye ^bc; 40 lalowo ofuna ukukumangalela lokuthatha isigqoko sakho, mtshiyele lesembatho; 41 laloba ngubani okubamba ngamandla ukuthi uhambe imayili libe linye ^bd, hamba laye abe mabili. 42 Mnike ocela kuwe ^be; njalo ungamfulatheli ofisa ukweboleka kuwe ^bf.

43 Lizwile ukuthi kwathiwa: Wothanda umakhelwane wakho ^bg, njalo uzonde isitha sakho ^bh; 44 kodwa mina ngithi kini: Thandani izitha zenu, libabusise abaliqalekisayo, libaphathe kuhle abalizondayo ^bi, libakhulekele abaliphatha kubi, labalizingelayo ^bj; 45 ukuze libe ngabantwana bakaYihlo osemazulwini, ngoba yena uphumisa ilanga lakhe phezu kwababi labahle, anise izulu phezu kwabalungileyo labangalunganga ^bk. 46 Ngoba aluba lithanda labo abalithandayo, lilomvuzo bani ^bl? Kabenzi njalo labathelisi yini ^bm? 47 Futhi uba libingelela abafowenu bodwa, lenzani okukhulu okwedlula okwabanye? Kabenzi njalo labathelisi yini ^bn? 48 Ngakho lina banini ngabapheleleyo ^bo, njengoba uYihlo osemazulwini ephelele ^bp.